Guvernatori i Nju Jorkut Andrew Cuomo i referohet sulmit në Kapitol si “përpjekje e dështuar e një grusht shteti”. “Guri i themelit të demokracisë sonë është transferimi paqësor i pushtetit.
Ne duhet ta quajmë këtë siç është në të vërtetë: një përpjekje e dështuar për një grusht shteti. Ky është kapitulli i fundit i një administrate të paaftë, mizore dhe përçarëse që ka shkelur Kushtetutën dhe shtetin e së drejtës në çdo hap, dhe ne fituam.
Rezultatet e zgjedhjeve janë të qarta dhe vullneti i popullit Amerikan do të kryhet” tha ai. Ndërkohë që guvernatori i Virxhinias Ralph Northam shpalli gjendjen e jashtëzakonshme.
