Lucas Paqueta vazhdon ta ketë të paqartë të ardhmen e tij, nëse do të mbetet apo do të largohet nga West Ham United.
Mesfushori brazilian ka shkëlqyer në sezonin e kaluar, por e ka nisur për mrekulli edhe të riun në elitën e futbollit anglez.
Manchester City është duke kërkuar transferimin e brazilianit dhe tanimë ka bërë një ofertë zyrtare për të.
Kampioni në fuqi i Anglisë ka ofruar 70 milionë euro për Paquetan, ofertë që nuk është pranuar nga West Hami.
Megjithatë Fabrizio Romano ka njoftuar se City ende nuk ka hequr dorë nga transferimi i brazilianit.
Drejtuesit e gjigantit anglez janë duke pritur që West Ham të reflektojë dhe të pranojë ofertën e tyre për ta lënë Paquetan të transferohet në ‘Etihad Stadium’.
