Capital T, Eaz dhe Rina Balaj, kanë bashkuar forcat për një projekt të ri muzikor.
Ata tashmë kanë bërë të ditur se kënga e tyre e re “Dirty Move” do të lansohet nesër (e mërkurë).
Pak para publikimit, artistët kanë prezantuar një pjesë nga klipi, e mes tjerash kanë sjell edhe disa pamje nga prapaskenat e xhirimeve.
Reperja nga Istogu është shfaqur atraktive nga imazhet e klipit, me anë të të cilave ka marrë vëmendje të madhe.
“M’do ti mua. Capital T x Eaz & Rina – Dirty Move nesër”, ka shkruar ajo.
Siç shkruan Telegrafi, në video, dyshja kanë zbuluar po ashtu edhe orën e saktë të publikimit që është 18:00.
Ky është dueti i parë i tyre që besohet se do të pëlqehet edhe nga publiku.
Rina ndryshe ruan një raport të mirë me Capital T, i cili edhe e ftoi për të performuar në koncertin e tij madhështor “Time Capsule 2”, që u mbajt në fillim të gushtit në Prishtinë.
