Sipas Sky Sport Italia, Mady Camara do t’i nënshtrohet testeve mjekësore me Romën nesër përpara një marrëveshjeje fillestare huazimi me një opsion për blerje.
25-vjeçari transferohet në “Stadio Olimpico” pas lëndimit të fibulës së Gini Wijnaldum, që do ta detyrojë atë të mbetet jashtë fushe për katër muaj.
Sipas Sky Sport Italia, Camara do t’i nënshtrohet testeve mjekësore me Giallorossët sot (e martë).
Ai do t’i bashkohet skuadrës së Jose Mourinhos në një huazim 1.2 milionë uro nga Olympiacos. Marrëveshja vjen me një opsion për të blerë për 12 milionë euro plus shtesa për skuadrën e Jose Mourinhos.
Camara do të zbarkojë në kryeqytet në këtë mëngjes, sipas ekspertit të transferimeve, Gianluca Di Marzio.
Camara duhet të jetë nënshkrimi i fundit i Romës gjatë verës. Klubi italian prezantoi Andrea Belottin të dielën. Italiani është transferuar në Stadio Olimpico si një transferim i lirë, duke nënshkruar një vit me opsion për dy sezone të tjera.
Roma gjithashtu ka nënshkruar me Zeki Celik, Paulo Dybalan, Nemanja Matic dhe Mile Svilar këtë verë, duke shpenzuar vetëm 7 milionë euro, duke përjashtuar bonuset e nënshkrimit.
