Gjykata e Tiranës ka vendosur masën e sigurisë “Arrest me burg” për 31-vjeçarin Gert Shehu, i cili sulmoi kryetarin e Partisë Demokratike në shqipëri, Sali Berisha gjatë protestës së 6 dhjetorit, duke e goditur me grusht në fytyrë.
Seanca, e cila u zhvillua në Spitalin e Traumës, aty ku është i shtruar Shehu, zgjati vetëm pak minuta.
Avokati i tij, Ervis Lila kërkoi masë më të butë, “Arrest shtëpie”, ose shtrim i detyruar për mjekim, por nuk është pranuar nga gjykata.- Advertisement –
Kryedemokrati Sali Berisha akuzon kryeministrin Edi Rama në lidhje me këtë sulm, duke thënë se është porositur nga vetë ai.
Ndërsa, për 31-vjeçarin, Berisha është shprehur se ai është i infiltruar nga Policia e Shtetit.
