Mbrojtësi i Juventusit, Leonardo Bonucci do të largohet nga Torino këtë mbrëmje, duke i nënshtruar testet mjekësore me Union Berlin të premten.
Italiani pritet të largohet nga ‘Zonja e Vjetër’ pas stërvitjeve të shkëputura nga ekipi gjatë gjithë verës.
‘Sky Sport Italia’ pretendon se qendërmbrojtësi i Italisë do të largohet nga Torino në mbrëmje. Bonucci, 36 vjeç, pritet që të premten t’i nënshtrohet testeve mjekësore me skuadrën e Bundesligës, Union Berlin.
Sipas Sky, Juventusi do të paguajë 50% të pagës së Bonuccit në Berlin, rreth 3.5 milionë euro. Mbrojtësi do t’i bashkohet skuadrës së Bundesligës në një transferim të lirë duke nënshkruar një marrëveshje njëvjeçare me një opsion për një sezon të mëtejshëm.
Bonucci nuk ishte më pjesë e planeve të Juventusit, siç u konfirmua nga Cristiano Giuntoli gjatë konferencës së tij për shtyp në korrik.
Max Allegri ka konfirmuar së fundmi se e kishte informuar Bonuccin në shkurt se Juventusi nuk do të llogariste më tek ai në sezonin 2023-2024.
Mbrojtësi veteran ende shpreson të thirret nga Italia për EURO 2024, kështu që ai do t’i bashkohet skuadrës së Bundesligës që do të luajë në Ligën e Kampionëve për herë të parë këtë sezon./Lajmi.net/
