Presidenti i Shteteve të Bashkuara, Joe Biden, ka thënë se në shtetin e Kalifornisë ka ndodhur një fatkeqësi e madhe natyrore, pasi atje ka përmbytje të mëdha nga një numër i madh i stuhive që kanë ndodhur.
Shërbimi Kombëtar i Motit (NËS) ka deklaruar se të hënën në këtë zonë pritet të ketë reshje të mëdha të shiut dhe të borës, po ashtu edhe erëra të forta.
Ky institut, gjithashtu, parashikoi “përmbytje katastrofike” në luginën e poshtme të lumit Salinas, një rajon kyç bujqësor në jug të Gjirit të San Franciskos.
Të shtunën vonë, Biden “deklaroi se ekziston një fatkeqësi e madhe në shtetin e Kalifornisë dhe urdhëroi ndihmën federale për të plotësuar nevojat shtetërore për rimëkëmbjen në zonat e prekura nga stuhitë e forta të dimrit, përmbytjet dhe rrëshqitjet e dheut”, thanë në një deklaratë nga Shtëpia e Bardhë.
Të paktën 19 persona dihet se kanë vdekur deri tani nga shkaqet e lidhura me stuhitë që kanë ndodhur në tre javët e fundit, shkruan AlJazeera, transmeton Klankosova.tv.
