Policia ka bastisur pesë lokacione të dyshuara për kontrabandim me migrantë, me ç’rast ka identifikuar 31 viktima.
Përmes raportit 24 orësh, policia njofton se gjatë bastisjes janë gjetur dhe konfiskuar tri revole të llojeve të ndryshme, një armë automatike AK-47, një armë karabinë, një kornizë druri, rreth 218 fishekë, 15 aparate telefonike si dhe para të gatshme rreth 2 mijë e 220 euro.
Bastisja është bërë me urdhëresë të Gjykatës Themelore në Prishtinë.
Pas përfundimit të bastisjes janë arrestuar gjashtë shtetas të Kosovës dhe katër shtetas të huaj dhe pas intervistimit me vendim të prokurorit, të dyshuarit janë dërguar në mbajtje, transmeton Klankosova.tv.
