Lionel Messi dhe Barcelona përjetuan të njëjtat probleme me fanellat me të cilat po përballen aktualisht lojtarët e klubit anglez, Aston Villa.
Villa aktualisht është në vendin e gjashtë në Ligën Premier pas një fitoreje 1-0 jashtë fushe kundër Chelseat gjatë fundjavës, por një raport i ri pretendon se lojtarët janë të pakënaqur me fanellat që kanë veshur.
Klubi nga Birminghami ka dy vjet në një marrëveshje dyvjeçare me Castore, e cila gjithashtu prodhon fanellat për Newcastle United, Wolves, Rangers dhe Sevilla.
Megjithatë, sipas The Telegraph, yjet e Aston Villas janë ankuar se fanellat e tyre të reja po pengojnë performancën sepse shpesh lagen dhe si rezultat kanë qenë të rënda dhe të pakëndshme.
Menaxheri Unai Emery është në dijeni dhe klubi tani po flet me kompaninë Castore për këtë çështje. Ekipi i femrave të Aston Villas thuhet se kanë “frikë” të veshin fanellën për herë të parë në ndeshjen hapëse të sezonit ËSL kundër Manchester United, ndërsa një arsye kryesore se pse Neëcastle i dha fund partneritetit të tyre besohet të jetë e lidhur me cilësinë e fanellës.
12 vjet më parë, gjigantët e La Ligës, Barcelona, kishin probleme shumë të ngjashme me fanellat e tyre Nike. Mediumi El Pais, përmes The Guardian, pretendon se Messi me bashkëlojtarët u ankuan për ngjitjen e fanellës në lëkurë për shkak të djersëve.
U bë aq keq sa disa madje peshonin fanellën e tyre në peshore pas pjesës së parë, pasi thuhej se kishin “peshuar një ton” gjatë një turneu në Shtetet e Bashkuara – me fanellën që peshonte dy herë e gjysmë më shumë pas 45 minutash sesa në fillim.
Nike u detyrua të adresonte çështjen, me një zëdhënëse duke deklaruar: “Ekipi i produkteve të Nike po punon për të adresuar shqetësimet me fanellën e FC Barcelona”.
“Të gjitha shqetësimet e produktit trajtohen me rëndësinë më të madhe dhe pritet një zgjidhje kur të përfundojnë të gjitha testimet e duhura”.
Kjo ishte në sezonin 2011/12 nën drejtimin e trajnerit Pep Guardiola, ku Messi shënoi 73 gola në të gjitha garat.
Fanellat e Barçës ende prodhohen nga Nike edhe sot e kësaj dite.
