Deputeti i koalicionit opozitar ASH-AAA, Elmi Aziri, pret që shumë shpejtë të nis procedimi i ligji për shtetësi. Në një prononcim për gazetën LAJM, Aziri tha se nesër pritet të vazhdojë mbledhja e Komisionit për Mbrojtje dhe Siguri ku do të vazhdojë debati për ligjin në fjalë.
“Ne presim shumë shpejtë që të debllokohet puna e ligjit për shtetësi. Informatata flasin se nesër mund të ketë komision për mbrojtje dhe siguri. Ende nuk është bërë publike në kalendarin e Parlamentit por besojmë që nesër do të fillojë komisioni për mbrojtje dhe siguri”
Pytje: A mund të taktizojë shumica që ligji të mos miratohet para zgjedhjeve lokale?
“Mbledhja e fundit e Komisionit për Mbrojtje dhe Siguri është mbajtur më 2 qershor. Pra, ka gati 1 muaj që nuk është thirrur mbledhja e këtij komisioni dhe sinqerisht ne nuk shohim asnjë arsye dhe asnjë argument për shtyrjen dhe zvarritjen kaq të madhe në këtë komision. Natyrisht, ne kemi patur kontakte të vazhdueshme me koordinatorët e grupeve parlamentare, ato nuk kanë dhënë ndonjë arsyetim bindës përpos arsyetimeve teknike dhe natyrisht, kjo zvarritje çon në dilema të ndryshme për të cilat ne nuk dëshirojmë të prejudikojmë, por natyrisht ne nuk do ta lejojmë këtë gjë të shkojë në pafundësi”, tha deputeti Elmi Aziri për gazetën LAJM.
