Avokati Arben Memeti nga shoqata avokatore “Cukiq-Markov” ka ngritur alarmin për një dështim në funksionimin e sistemit “Qytet i Sigurt”. Ai thotë se disa qytetarë e kanë kontaktuar të cilët kanë marrë mesazhe SMS dhe paralajmërime elektronike për shkelje të rregullave të trafikut – por me të dhëna personale të personave të tjerë, transmeton Portalb.mk.
Mesazhet e marra nga qytetarët përmbanin të dhëna të plota të personave krejtësisht të ndryshëm: emri dhe mbiemri, numri unik i identifikimit, numri i kartës së identitetit dhe të dhënat e automjetit. Sipas Memetit, kjo është shkelje e drejtpërdrejtë e Ligjit për Mbrojtjen e të Dhënave Personale.
“Ky nuk është vetëm ngabim teknik, por një rrezik sistemik që kërcënon privatësinë dhe sigurinë e qytetarëve. Me një neglizhencë të tillë, Ministria e Brendshme po shkel detyrimet e saj ligjore dhe po minon besimin në sistem”, paralajmëron avokati.
Memeti kujton se gabimet në dërgimin e paralajmërimeve ngrenë pyetje serioze:
- si do të garantohet që gjobat do të arrijnë te autori i vërtetë?
- a do të përballen qytetarët me pasoja të pajustifikuara ligjore për vepra penale që nuk i kanë kryer?
Sipas tij, publiku me të drejtë ndjen mosbesim nëse sistemi tashmë po dërgon të dhëna të ndjeshme në adresat e gabuara.
“Nëse sot po mbërrijnë të dhënat e të tjerëve, si mund të besojmë se nesër nuk do të mbërrijnë gjobat e të tjerëve?”, pyet Memeti.
Një problem shtesë është se Ministria e Brendshme nuk ka mekanizëm të saktë për mbledhjen dhe përditësimin e numrave të telefonit dhe adresave të email-it. Shpesh, gjatë regjistrimit të një automjeti, zyrtarët nuk e kërkojnë fare këtë informacion, gjë që çon në dërgimin e gabuar të paralajmërimeve dhe krijimin e konfuzionit shtesë.
Avokati kërkon:
- një rishikim urgjent të sistemit për dërgimin e paralajmërimeve,
- përcaktimin e arsyeve për lëshimet,
- korrigjimin e bazave të të dhënave të vjetruara dhe të pasakta,
- krijimin e procedurave të sigurta për përpunimin e të dhënave personale, në përputhje me ligjin.
“Qytetarët kanë të drejtë për informacion të saktë, të besueshëm dhe të sigurt. Ministria e Brendshme ka detyrimin ta garantojë këtë – pa kompromis”, tha Memeti.
Në 12 orët e para të funksionimit provë të sistemit, u regjistruan 65,000 shkelje, nga të cilat 2,800 ishin për kalim të semaforit të kuq dhe 1,000 ishin për drejtim të një makine të paregjistruar. Kjo shifër alarmante sipas MPB-së konfirmon edhe një herë domosdoshmërinë dhe justifikimin e sistemit, nga i cili presin një përmirësim të ndjeshëm në kulturën e trafikut, rritje të sigurisë për të gjithë pjesëmarrësit në trafik dhe një ulje të dëmeve dhe viktimave në rrugë.
Kamerat “Qytet i Sigurt” të instaluara në udhëkryqet e Shkupit do të regjistrojnë automatikisht shkeljet e trafikut duke filluar nga sot, 1 dhjetor. Ministria e Brendshme po lançon sistemin “Qytet i Sigurt, Shtet i Sigurt”. Periudha provuese do të zgjasë deri në Vitin e Ri, ndërsa gjobat e para duhet të mbërrijnë më 1 janar.
Nëse kamerat do t’i sjellin shoferët në vete, do të shihet në javët e para të sistemit, i cili do të fillojë të regjistrojë dhe paralajmërojë nga nesër, dhe duke filluar nga viti i ri, do të ndëshkojë edhe ata.
Synimi është që deri në vitin 2030 të zvogëlohet dhe të përgjysmohet numri i aksidenteve në trafik.
Zbatimi i projektit “Qyteti i sigurt”, i cili në fazën e parë, përveç në Shkup, do të zbatohet edhe në Tetovë dhe Kumanovë.
