Ka vazhduar seanca në Speciale ndaj krerëve të UÇK-së.
Avokati i ish-presidentit Thaçi, Gregory Keohe ka thënë se mbrojtja po ka vështirësi në hetimet e saja për shkak të materialit shumë voluminoz që Prokuroria po e jep në një afat shumë të paarsyeshëm, pak para nisjes së gjyqit, shkruan lajmi.net.
“Kjo është një sasi e madhe informacioni që i jepet mbrojtjes para gjykimit. Na duhet që të merremi me 68 dëshmitarë dhe 46 mijë faqe. 10 mijë janë të reja. Edhe për faqet e redaktuara, i kam parë me klientin, ka faqe të tëra që janë të redaktuara, s’ka as numra as data as emra dhe mund të ketë pretendime të paqarta. Informacioni që jepet nga dëshmitarët nuk do të thotë asgjë”, tha Keohe.
“Ne kemi hetuar më parë, dhe do të vazhdojmë të hetojmë edhe në të ardhmen”, tha ai.
