Një aksident me pasojë vdekjen është regjistruar mëngjesin e sotëm në Rrugën e Kombit, afër Rubikut.
Raportohet se një minibus agjensie turistike është përplasur me një automjet tip “Alfa Romeo”.
Nga përplasja e fortë makina është përplasur me barrierat mbrojtëse dhe është ndarë më dysh.
Si pasojë e aksidentit humbi jetën drejtuesi i mjetit Led Caka si edhe u plagosën 8 pasagjerë në minibusin që drejtohej nga shtetasi me iniciale K.M.
Sipas informacioneve paraprake të plagosurit ndodhen në spitalin e Mirditës dhe Kurbinit nën kujdes mjekësor jashtë rrezikut për jetën.
Autobusi raportohet se po transportonte turistë nga Tirana në Brezovicë.
“Si pasojë e përplasjes ka ndërruar jetë drejtuesi i mjetit “Alfa Romeo” shtetasi L.C si dhe kanë marrë demtime 8 shtetas që ndodheshin pasagjerë në mjetin me drejtues shtetasin K.M.,të cilët janë dërguar në spitalin e Mirditës dhe Kurbinit dhe ndodhen nën kujdesin mjekësor ,”– njofton policia.
Grupi hetimor në vendngjarje punon për sqarimin e rrethanave të ngjarjes.
