Më shumë se 16 mijë doza të vaksinës AstraZeneca kanë skaduar dhe do të asgjësohen nga autoritetet në Malavi, vendi më i vogël dhe i varfër në Afrikën e Jugut. Vaksinat mbërritën atje rreth tre javë më parë.
Nga 102,000 doza të dërguara në vend nga Bashkimi Afrikan, rreth 16,400 nuk u përdorën dhe skaduan dje, shpjegoi Ministri i Shëndetësisë i Malavi, Charles Muansabo.
Ai shtoi se nga 530,000 doza të përgjithshme që vendi ka marrë përmes programit COVAX, 46% e vaksinës AstraZeneca është përdorur deri më tani nga Qeveria e Indisë dhe Bashkimi Afrikan.
“Ne kemi përdorur shumicën e vaksinave të dërguara nga Bashkimi Afrikan. Kishin mbetur vetëm 16,400 doza të papërdorura dhe të cilat tani do të asgjësohen sepse skaduan dje”, tha ai.
Që kur fushata e imunizimit filloi në mars, autoritetet Malavi kanë vaksinuar vetëm 300 mijë, pra 60% e popullsisë.
Kujtojmë se ditën e djeshme Danimarka ishte vendi i parë që ndaloi përgjithmonë përdorimin e vaksinës “AstraZeneca”.
Top Channel
