Është arritur marrëveshja ndërmjet Arsenalit dhe Brentfordit për transferimin e David Raya.
Topçinjtë kishin arritur marrëveshje personale me portierin javë më parë dhe kishte mbetur ta bindnin klubin që e pronëson.
Eksperti i transferimeve, Fabrizio Romano, njofton se tashmë është arritur marrëveshja mes palëve.
Arsenali do të përpiqet që ta sigurojë nënshkrimin e tij sa më parë, duke qenë se trajneri Mikel Arteta e do në skuadër që në javën e parë të sezonit të ri në Ligën Premier.
Chelsea dhe Bayern Munichu kanë qenë klubet tjera të interesuara për shërbimet e gardianit spanjoll.
