Arrestohen avokati Besnik Berisha dhe tre të tjerë për tri vepra penale

Arrestohen avokati Besnik Berisha dhe tre të tjerë për tri vepra penale

Prokuroria Themelore ka njoftuar se katër persona janë arrestuar, në mesin e tyre edhe avokati Besnik Berisha, në një aksion i cili është realizuar me urdhëresë të Gjykatës Themelore në Ferizaj.

Përmes një komunikate për media, janë kontrolluar e pastaj edhe sekuestruar përkohësisht shtëpitë dhe lokalet përcjellëse të gjashtë personave të dyshuar, ku katër prej tyre janë arrestuar për veprat “Dhënia e ndihmës kryesve pas kryerjes së veprave penale”, “Pengimi i të provuarit apo procedurës zyrtare” dhe “Ushtrim i ndikimit”.

Të arrestuarit janë me inicialet N.Xh., B.B., I.S., dhe R.C.

“Prokuroria Themelore në Ferizaj, njofton opinionin publik se në bashkëpunim me Policinë e Kosovës, Drejtorinë për Hetimin e Krimeve të Rënda (DHKR) në Prishtinë dhe njësive tjera mbështetëse, në bazë të urdhëresës së lëshuar nga Gjykata Themelore në Ferizaj për lëshimin e urdhëresës për kontroll dhe sekuestrim të përkohshëm të shtëpive dhe lokaleve përcjellëse, sot, ka realizuar një aksion ku, me ç ‘rast gjatë këtij aksioni, janë kontrolluar dhe bastisur shtëpitë dhe lokalet përcjellëse të gjashtë personave të pandehur dhe me vendim të Prokurorit të Shtetit, janë arrestuar katër të dyshuar me inicialet N.Xh., B.B., I.S., dhe R.C.”, thuhet në njoftimin e dërguar mediave. /Kohanet

 

ARTIKUJ TË NGJASHËMMË SHUMË NGA AUTORI