Mbrojtësi i Chelseat, Malo Gusto është në radarin e Liverpoolit.
Reprezentuesi francez shihet si zëvendësues i Trent Alexander-Arnold, në rast se anglezi largohet kur kontrata e tij skadon në qershor.
Mick Brown, një ish-skaut, ndër të tjera, për Manchester United, beson se Gusto mund të përfundojë në Anfield.
“Liverpool po bën plane nëse humbet Trent Alexander-Arnold”, deklaroi ai për Football Insider. “Ata duhet të bëjnë këto biseda se ku të shkojnë për të gjetur një zëvendësues”.
“Ata kanë Conor Bradley, i cili ka bërë jashtëzakonisht mirë kur thirret dhe ai do të jetë një pjesë e rëndësishme e planeve të tyre”.
“Por Gusto është shumë i vlerësuar dhe ai është dikush që skauti i tyre ka mbajtur një sy në këtë sezon. Ai nuk është një titullar te Chelsea, pasi kur Reece James kthehet nga lëndimi ka një shans të mirë që ai të përfundojë në stol, andaj kjo i jep Liverpoolit mundësinë t’i ofrojë atij kohë të rregullt për lojë dhe ata do të mendojnë se kjo mund të jetë e mjaftueshme për ta tunduar atë të largohet”, ka shtuar më tej ai.
