Pas deklaratave të bujshme për prapaskenat e marrëdhënies me ish-partnerin Fero, modelja Arbenita Ismajli ka zgjedhur të rikthehet me një tjetër postim që ka tërhequr vëmendje.
Këtë herë, ajo ndau në Instagram një video të vajzës së saj, Ninës, ndërsa në sfond dëgjohej një audio që thoshte:
“Unë thjesht nuk mendoj që në këtë kohë jemi të destinuar të jetojmë një jetë të parehatshme. Nuk e kam vullnetin”.
Ky mesazh i shkurtër, por i fuqishëm, duket se pasqyron jo vetëm gjendjen e Arbenitës, por edhe vendosmërinë e saj për të mos pranuar më një realitet të vështirë.
Postimi i saj i fundit shihet si një tjetër mesazh i qartë për publikun: pavarësisht vështirësive të së kaluarës (siç ka deklaruar ajo), Arbenita synon të ndërtojë një të ardhme të re dhe më të shëndetshme për veten dhe vajzën e saj.
