Anëtarja e Kuvendit Qendror të Aleancës për Shqiptarët, Rolanda Prevalla Kadriu i është bashkuar grupit të zjarrit të BDI-së që udhëhiqet nga nënkryetari i kësaj partie, Izet Mexheti. Njoftimi është bërë i ditur nga Mexhiti në profilin e tij në Facebook.
“Rolanda Prevalla Kadriu, anëtarja e Kuvendit Qendror të Aleancës për Shqiptarët me krenari iu bashku kauzës që e udhëheqim”, ka shkruar Mexhiti, shkruan Alsat.
Siç mëson televizioni Alsat, Rolanda Prevalla Kadriu nuk ishte pajtuar me vendimin e ASH-së për të hyrë në qeveri për shkak të pakënaqësive për punën e deritanishme të ekzekutivit.
Grupi i Zjarrit tani një kohë të gjatë po kërkon largimin nga BDI-ja të Artan Grubit, për shkak të pakënaqësisë për punën e tij dhe të ministrave të tjerë të BDI-së në qeveri.
Por, kjo kërkesë është refuzuar në vazhdimësi nga kreu i partisë, Ali Ahmeti pas çka dy grupet të njohura si “Zjarri” dhe Ahmetistët” po mbajnë takime me elektoratin për të prezantuar pozicionet e tyre./Alsat.mk
