Televizioni Alsat, raporton se Bekim Neziri, është personi qe ka kryer sulmin ndaj një të punësuari në M-NAV.
Në lajmin e publikuar nga ky televizion thuhet se, burime të mirë informuara i kanë thënë Alsatit, se Neziri bashkë me nje person me inicialet E.Z, e kanë kryer këtë sulm, derisa lajmi për një incident është konfirmuar edhe nga kryetari i Sindikatës Aleksandar Tasevski dhe nga MPB.
Kujtojmë se kreu i Sindikatës Aleksandar Tasevski pas konferencës për media njoftoi se persona të paidentifikuar kanë hyrë në objektin e kontrollit të fluturimeve, kanë shkaktuar zënkë verbale dhe kanë sulmuar fizikisht disa të punësuar.
Rasti është denoncuar në stacionin policor në Petrovec. Ministria e Punëve të Brendshme konfirmoi se incidenti është denoncuar në polici dhe se punojnë në zbardhjen e rastit.
Sipas policisë, i punësuar në kontrollin e fluturimeve me inicialet B.N së bashku me disa persona të tjerë të panjohur kanë sulmuar fizikisht 3 të punësuar në këtë institucion. /Alsat.mk
