Megjithëse prej kohësh janë shpërngulur në Zelandën e Re për një jetë më të mirë, Vesa Luma dhe Big Basta vazhdojnë ta edukojnë djalin e tyre me dashurinë për vendlindjen.
Ata i flasin të birit shqip dhe i mësojnë historinë e vendit nga vjen, ndaj Liani është një patriot i vogël që na kënaq çdo herë me dashurinë e tij për origjinën.
Madje, ai është ndjerë tepër krenar dhe i befasuar kur ka dëgjuar për herë të parë këngëtaren Dua Lipa të flasë shqip.
Ky moment i bukur nuk ka kaluar pa u filmuar nga Vesa, e cila është shkrirë së qeshuri me reagimin e të birit.
“Dua Lipa flet shqipen”- thotë Liani teksa mbulon dorën me gojë i habitur dhe buzëqesh me të madhe.
Më tej ai tregon se kur ta takojë Duan, do t’i japë një përqafim të madh.
Vesa ka etiketuar këngëtaren në videon e publikuar në InstaStory dhe Dua e ka parë reagimin e të voglit për të. Madje, ajo i ka kthyer edhe përgjigje ndërsa Vesa ka publikuar mesazhet.
“Owwww zemraaaaaa”- i shkruan Dua, duke e shoqëruar mesazhin me zemra të kuqe.
Si ka reaguar Liani do thoni ju? Ai është çmendur nga gëzimi, por më mirë shikojeni videon vetë:
Share
