Barcelona ka mposhtur Cadizin me rezultat 2-0 duke marrë fitoren e parë në sezonin e ri në La Liga.
Një nga futbollistët më të mirë në këtë ndeshje padyshim se ishte mesfushori gjerman Ilkay Gundogan, i ardhur këtë verë te Barcelona nga Manchester City.
Trajneri i Barcelonës, Xavi Hernandez nuk i ka kursyer fjalët e mira për mesfushorin gjerman, duke thënë se ai ka ADN-në e katalunasve.
“Gundogan është një gur themeli për ekipin. Ai ka ADN-në e Barçës. Ai kurrë nuk e humb topin, bën diferencën me topin dhe gjithmonë merr vendimin e duhur,” tha Xavi për mediat pasi Barcelona mposhti 2-0 Cadiz .
“Ne e nënshkruam atë për të bërë diferencën dhe ai këtë po e bën”, tha trajneri katalunas i Barcelonës.
Ilkay Gundogan ishte një nga lojtarët më të mirë kundër Cadiz. Gjermani dha një asistim, regjistroi pesë pasime të tjera kyçe dhe regjistroi një saktësi të lartë pasimi.
32-vjeçari gjithashtu u faulua pesë herë derisa fitoi katër duele në fushë. Megjithatë, harkimet e tij është diçka për të punuar pasi vetëm tre nga 10 përpjekjet e tij ishin të suksesshme.
