“Me shumë emocion dhe kujtime të bukura, sot pata nderin të rikthehem aty ku fillova rrugëtimin tim të dijes dhe formimit intelektual, në shkollën fillore “25 Maji” në Hasanbeg. Në mënyrë simbolike, shpërndava abetaren kombëtare si material plotësues për nxënësit, duke kontribuar sadopak në arsimimin e brezave të rinj”, ka shkruar kryetari i Parlamentit, Afrim Gashi.
“Së bashku me zëvendësministrin e Arsimit, Prof. Lulzim Aliun, dhe drejtorin e Institutit të Trashëgimisë Kulturore Shqiptare, z. Skender Asanin, vizituam shkollën dhe u pritëm ngrohtësisht nga drejtori i saj. Kjo vizitë na kujtoi rëndësinë e jashtëzakonshme që arsimi ka për zhvillimin dhe të ardhmen e një kombi. Ne mbetemi të përkushtuar për të investuar në arsim, duke e bërë atë shtyllën kryesore për të ardhmen tonë të përbashkët”, thuhet në postimin e Gashit.
