Adelina Ismaili në karrierën e saj numëron hite të padiskutueshme.
E në mesin e hiteve, gjendet edhe kënga “Ti do të martohesh”.
Por kjo këngë tashmë ka edhe një version të ri.
Është këngëtari, Egzon Pireci, i cili ka vendosur që ta sjell këtë këngë të shoqëruar edhe me videoklip.
Këtë projekt, Egzoni e promovoi në një mbrëmje në prani të shoqërisë dhe miqve të tij.
Aty ishte edhe këngëtarja teksa u pa tejet e emocionuar dhe me lotë pasi e dëgjoi versionin e ri të këngës.
Shumë ripërpunime të këngëve, por Adelina tha se ky përpunim i pëlqen jashtëzakonisht shumë.
Ndryshe, Egzon Pireci është për momentin një nga këngëtarët më aktiv me këngë të reja, por edhe ripërpunime të hiteve të vjetra.
