E drejta për protestë dhe inicim të referendumit është legjitime, por sërish, arsyeja për të cilin shfrytëzohet kjo e drejtë, është absurde, ka deklaruar ministrja e Arsimit dhe Shkencës, Milla Carovska.
“Digjitalizimi i librave paraqet një proces me të cilin e avancojmë dhe zhvillojmë sistemin arsimor me të cilin gjeneratat e ardhshme do të përgatiten për pozita për pas 20 vjetësh”, ka sqaruar Carovska në intervistën për Televizionin “Sitell”.
E pyetur se me digjitalizimin, a do të thotë se jo çdo nxënës do të ketë qasje në librat shkollor, Carovska deklaroi se për herë të parë në Maqedoninë e Veriut miratohet ligj me të cilin sigurohet aparaturë IT për çdo fëmijë të kategorive sociale.
Kjo deklaratë, vjen ngaqë sot komisioni kuvendor ka dhënë dritë jeshile për mbajtjen e referendumit, ku qytetarët do të mund të shprehen se a janë “për” dhe “kundër” librave digjitalë./TV21
