Deputeti shqiptar nga Bujanoci, Shaip Kamberi vazhdon të “dridh” Serbinë. Në një intervistë ekskluzive për Lajm Tv dhe gazetën Lajm të zhvilluar, në Parlamentin serb në Beograd, deputeti Kamberi mbetet në qëndrimin se Serbia dhe kreu i saj shtetëror duhet të pranojnë dhe të përballen me faktin se kanë kryer krime në të kaluarën, si ;els për ecje përpara.
Kamberi është kategorik edhe në qëndrimin se Serbia me vetëm 6 deputetë opozitarë, nga gjithsej 250 që ka, për momentin është shtet totalitar, e jo demokratik.
Në intervistën e tij për Lajm Tv dhe gazetën Lajm, Kamberi flet edhe lidhur me planin për shkëmbim të territoreve dhe rreth asaj nëse ky plan ende është në tavolinë ose jo.
Ai falënderon Shqipërinë për kontributin që dha për bashkimin e subjekteve shqiptare në një listë të përbashkët në zgjedhjet e fundit parlamentare, por nuk e fsheh faktin se sa i përket ndihmës konkrete ekonomike nga Kosova dhe Shqipëria për shqiptarët e Luginës, deri tani ka vetëm fjalë, por shumë pak gjëra konkrete.
Shaip Kamberi aktualisht është edhe shef i grupit parlamentar që përbëhet prej gjashtë deputetëve (3 shqiptarët dhe 3 boshnjakë), që janë edhe deputetët e vetëm opozitarë në Parlamentin serb.
Ai flet edhe për tolerimin e madh që mendon se bashkësia ndërkombëtare po ia ën Serbisë, duke mbyllur sytë para shkeljes së të drejtave të pakicave që po bën ky shtet, ve;anërisht ndaj shqiptarëve.
Si zgjidhje të vetme për shqiptarët e Luginës, Kamberi e sheh reciprocitetin mes të drejtave të serbëve në kosovë dhe të shqiptarëve në Serbi.
Në vazhdim ju sjellim intervistën e plotë të deputetit Kamberi për gazetën Lajm dhe për Lajm Tv.
