Shumë vende evropiane kanë paralajmëruar se është shumë herët për të planifikuar udhëtimet e Krishtlindjeve, ndërsa rastet e infeksionit me koronavirus vazhdojnë të rriten në të gjithë kontinentin, raportoi BBC.
Në Suedi, njerëzit janë informuar që të përgatiten për kufizim eventuale të udhëtimeve gjatë pushimeve të tyre të Krishtlindjeve, me qëllim që shërbimet shëndetësore rajonale të shmangin mbipopullimin.
Epidemiologu suedez Anders Tegnel deklaroi se shumica e rasteve të reja të Kovid-19 vijnë aktualisht nga ahengje private. Ndalimi i shërbimit të pijeve alkoolike në klubet e natës dhe kafenetë pas orës 22 duhet të fillojë fundjavën e ardhshme.
Ndërkohë, autoritetet irlandeze dhe franceze besojnë se është shumë herët për të thënë nëse njerëzit mund të organizojnë udhëtime.
Gjashtë javë para sezonit të festave, karantinat dhe masat e tjera kufizuese hynë në fuqi në disa vende evropiane.
Portugalia ka zgjeruar në mënyrë të konsiderueshme numrin e vendbanimeve ku është vendosur shtetrrethimi. Që nga e hëna, tre të katërtat e vendit do të jenë nën kufizime më të rrepta të qeverisë, thekson BBC.
