Në Kërçovë sot sërish nuk ka raste të reja të të infektuarve me koronavirus, por ka madje 12 të shëruar, sipas të dhënave nga Ministria e Shëndetësisë, me çka numri i përgjithshëm i të infektuarve me Kovid-19 në komunën tonë është 269 persona, prej të cilëve 53 aktivë, 204 janë shëruar dhe 12 persona kanë vdekur, informoi Emin Nasufi nga Shtabi i krizës në komunën e Kërçovës.
“Të dhënat e sotme flasin se kemi për fat të mirë zvogëlim të madh të rasteve aktive në Kërçovë, si dhe se e katërta ditë me radhë nuk kemi raste të reja”, thotë Nasufi.
Ai u apeloi të gjithë qytetarëve që t’u përmbahen rekomandimeve të dhëna nga institucionet kompetente shëndetësore.
