Kostoja e jetesës në Maqedoninë e Veriut gjatë shtatorit nuk ka ndryshuar krahasuar me gushtin, por në nivel vjetor çmimet janë rritur me 2,7%, tregojnë të dhënat e Entit Shtetëror të Statistikave.
Rritjen më të madhe vjetore e kanë shënuar pijet alkoolike dhe duhani me 6,5%, pasuar nga rekreacioni, sporti dhe kultura me 6,3%, si dhe restorantet e akomodimi me 5,8%. Ushqimet dhe pijet joalkoolike janë shtrenjtuar me 1,7%.
Në krahasim me gushtin, transporti është liruar me 3,4%, ndërsa rekreacioni, sporti dhe kultura me 3,7%. Nga ana tjetër, mobilimi dhe mirëmbajtja e amvisërive janë shtrenjtuar me 1,3%, ndërsa ushqimet me 0,5%.
Pra, edhe pse inflacioni mujor në shtator ishte zero, qytetarët vazhdojnë të përballen me çmime më të larta se një vit më parë.
