Ish-finalisti i Big Brother VIP Kosova, Klodian Mihaj, është rikthyer në rrjetet sociale pas një periudhe të shkurtër shkëputjeje, duke ndarë me ndjekësit disa nga angazhimet dhe planet e tij të afërta.
Përmes një fotografie të realizuar në makinë, Klodi ka përshëndetur ndjekësit dhe ka bërë të ditur se do t’i rikthehet rregullisht stërvitjes në palestër, krahas një regjimi të rreptë ushqimor.
Në fokus të planeve të tij është edhe krijimi i përmbajtjeve dixhitale. Klodi ka paralajmëruar se së shpejti do të rikthehet me një numër të madh videosh të reja për ndjekësit e tij.
Klodian Mihaj/Instagram
Një tjetër pjesë e njoftimit të tij lidhet me Italinë, ku ai ka paralajmëruar rikthimin. Pas përfundimit të eksperiencës në BBVK, Klodi ka jetuar kryesisht në Kosovë së bashku me partneren e tij, Elijonën, ndërsa udhëtimet drejt Italisë gjatë kësaj periudhe kanë qenë të rralla dhe të shkurtra.
Mënyra se si ai e ka prezantuar rikthimin në Itali ka lënë të kuptohet se mund të bëhet fjalë për një qëndrim më të gjatë dhe jo vetëm për një vizitë. Ndërkohë, në lidhje me Elijonën, çifti ka qenë i rezervuar gjatë kësaj periudhe.
Nëse rikthimi i Klodit në Itali do të jetë i përkohshëm apo një zhvendosje e plotë, pritet të bëhet e qartë në ditët në vijim. /Telegrafi/
Klodian Mihaj/Instagram
