Zjarri vazhdon në Studeniçan, Makedonski Brod, Veles dhe Jegunovcë
Gjatë 24 orëve të fundit, në vend janë regjistruar gjithsej 25 zjarre në hapësira të hapura. Prej tyre, 4 janë ende aktive, 3 janë nën kontroll, ndërsa 18 janë shuar, njoftoi Qendra për Menaxhim me Kriza.
Zjarre aktive ka në zonën ndërmjet fshatrave Morane – Vërtekicë – Ramni Gabër, në Komunën e Studeniçanit, ku po digjet pyll i përzier.
Zjarri është aktiv edhe në zonat Vidhush, Dragov Dol dhe Lokvicë, në Komunën e Makedonski Brodit, ku janë përfshirë nga flakët bimësi e ulët, pyll me trungje të ulëta dhe shkurre.
