Një anije tregtare në pronësi të Arabisë Saudite raportohet se është goditur nga një raketë ndërsa po kalonte nëpër Ngushticën Bab al-Mandeb në Detin e Kuq, sipas burimeve të transportit detar dhe zyrtarëve jemenas.
“Raportet fillestare tregojnë tre viktima të ekuipazhit – dy shtetas pakistanezë dhe një indonezian”, tha grupi i inteligjencës detare Marisks, raporton CNN, transmeton Klankosova.tv.
Identiteti i anijes mbetet i pakonfirmuar.
Houthët paralajmëruan muajin e kaluar se do të shënjestronin çdo anije saudite që kërkonte të kalonte nëpër ngushticë, në përgjigje të një bllokade të gjatë saudite kundër grupit, i cili kontrollon pjesën më të madhe të Jemenit verior.
