Presidenti ukrainas, Volodymyr Zelensky, ka bërë të ditur se kishte pasur një takim të mirë me presidentin amerikan, Donald Trump, në Shtëpinë e Bardhë të martën.
Zelensky ka shkruar në Telegram se të dy liderët kishin diskutuar rëndësinë e mbrojtjes së ukrainasve dhe po ashtu se si SHBA-ja mund ta ndihmojë Ukrainën me sistemet e mbrojtjes nga raketat.
“Unë dhe presidenti diskutuam licencat për prodhimin e interceptorëve Patriot dhe disa ide të tjera që mund të ndihmojnë”, ka thënë Zelensky.
Ai ka shtuar se do të ketë komunikim të mëtejshëm dhe ka shprehur mirënjohjen e tij për “mbështetjen e fortë” nga SHBA-ja.
