Presidenti amerikan Donald Trump deklaroi sot se ka lënë udhëzime për përgjigjen e Uashingtonit nëse Irani arrin të realizojë, siç thotë ai, planet e tij për likuidimin e tij, duke vënë në dukje se në atë rast do të pasojë një përgjigje që Teherani „nuk e ka parë kurrë më parë“.
Në një intervistë për „New York Post“, Trump tha se ka qenë shënjestër e Iranit për një kohë të gjatë.
„Ka kohë që jam në listën e tyre. Me këtë po përballemi. E vetmja gjë që bëra ishte se lashë udhëzime që nëse më ndodh diçka, ata do të bombarodohen në një shkallë që nuk e kanë parë kurrë më parë“, tha Trump.
„Shpresoj se do t’ju mungoj“
Lidhur me paralajmërimet e Izraelit të kësaj jave për informacione të zbulimit mbi një komplot të supozuar për vrasjen e presidentit amerikan, Trump tha se nuk ka pasur informacione të reja për një plan të tillë, por përsëriti pretendimin se Irani e dëshiron atë të vdekur prej vitesh.
„Jo, jo. Izraeli nuk zbuloi asgjë të re. Ka kohë që jam numri një në listën e tyre dhe kështu është“, tha Trump dhe duke bërë shaka shtoi: „Shpresoj se do t’ju mungoj“.
Sipas gazetës „New York Post“, Irani e kërcënon hapur Trumpin që nga viti 2020, kur me urdhër të tij u krye një sulm ku mbeti i vrarë gjenerali iranian Qasem Soleimani.
Tensionet midis SHBA-së and Iranit u rritën edhe më shumë këtë javë, ndërsa gjatë varrimit të liderit suprem të vrarë të Iranit, Ajatollah Ali Khamenei, protestuesit mbanin pankarta të mëdha ku bëhej thirrje për vrasjen e Trumpit.
