Entuziazmi i madh për Kombëtaren e Zvicrës në Kupën e Botës 2026 ka sjellë një rritje të jashtëzakonshme të kërkesës për fanellat zyrtare të ekipit, transmeton albinfo.ch.
Dyqanet sportive në mbarë Zvicrën raportojnë se po përballen me mungesë të fanellave të Kombëtares, pasi shumë modele, veçanërisht ato për të rritur, janë shitur plotësisht.
Ndërkohë, shitjet online janë rritur me rreth 60 për qind krahasuar me Kampionatin Evropian të vitit të kaluar.
Interesimi është shtuar ndjeshëm pas kualifikimit historik të Zvicrës në çerekfinalen e Kupës së Botës, ku helvetikët do të përballen me Argjentinën këtë fundjavë.
Tifozët po nxitojnë të sigurojnë fanellat e ekipit përpara kësaj sfide të madhe.
