Nënkryetari i BDI-së, Bujar Osmani ditën e sotme e ka quajtur ditë e zezë për shqiptarët në Maqedoni pasi që Gjykata Kushtetuese anuloi vendimin për emërtimet e rrugëve dhe shesheve në Tetovë, duke rikthyer emrin “Marshal Tito” në vend të sheshit “Iliria”.
“Gjykata Kushtetuese anuloi vendimin për emërtimet e rrugëve dhe shesheve në Tetovë, duke rikthyer emrin “Marshal Tito” në vend të sheshit “Iliria”.
Një tjetër goditje ndaj identitetit shqiptar.
Një tjetër plagë mbi të ardhmen e përbashkët.
Një tjetër hap prapa për këtë vend.
Në fund, Bilall Kasami duhet të jetë i lumtur. Dikur shkruante poezi për Titon.
Sot, Tito u kthye në Tetovë gjatë qeverisjes së tij dhe VVLEN-it.
Shqiptarët nuk do ta harrojnë”, ka shkruar Osmani. /tetova1/
