Në tremujorin e parë të këtij viti, çmimi më i lartë i paguar për një apartament për metër katror ishte 177.667 denarë (130.000 euro) për një sipërfaqe totale prej 45 metrash katrorë, i cili ndodhet në territorin e komunës Kisella Vodë, respektivisht, për metër katror janë paguar 2.888 euro, përcjell TV21. Këto të dhëna tregohen në raportin e publikuar nga Regjistri i Çmimeve dhe Qirave të Agjencisë së Kadastrës së Pasurive të Paluajtshme për periudhën janar–mars të këtij viti, sipas të cilit numri i transaksioneve të realizuara në tregun e pasurive të paluajtshme është ulur ndjeshëm.
Tabela 7 paraqet çmimet mesatare vetëm për apartamente (shitje të apartamenteve të vjetra dhe apartamente të shitura nga investitorët) sipas komunave administrative. Në këtë analizë, për përcaktimin e çmimeve mesatare të apartamenteve janë marrë parasysh vetëm kontratat e blerjes së apartamenteve me sipërfaqe ndihmëse (tarraca, ballkone, lozha).
Në regjistrin e çmimeve dhe qirave, në tre muajt e parë të vitit janë regjistruar 712 apartamente të reja të ndërtuara (nga investitorët), që është për 292 apartamente më pak ose -29% krahasuar me tremujorin e katërt të vitit të kaluar. Në Agjencinë e Kadastrës së Pasurive të Paluajtshme janë regjistruar 28.013 lista për para-regjistrim ndërtimi, që tregon se këto objekte janë në fazë ndërtimi dhe së shpejti do të dalin në treg.
Krahasuar me tremujorin e katërt të vitit 2025, numri i apartamenteve të shitura në tremujorin e parë të vitit 2026 është ulur për 27%, ndërsa vlera e tyre totale financiare është ulur për 23%. Për 23% është ulur edhe numri i shtëpive të shitura, ndërsa rënie ka edhe në shitjen e tokës bujqësore dhe pyjeve me 8%, si dhe në shitjen e hapësirave të biznesit me 11%.
Numri më i madh i apartamenteve të shitura është regjistruar në komunën Aerodrom, ku janë shitur 193 apartamente. Numri më i madh i shtëpive, 54, janë shitur në Manastir. Në Qendër janë shitur më shumë hapësira biznesi – 22, në Koçan më shumë toka bujqësore dhe pyje – 83, ndërsa në Kumanovë më shumë toka ndërtimore – 37 shitje. Janë regjistruar edhe 151 garazhe të shitura në disa komuna.
Tregu i pasurive të paluajtshme në tremujorin e parë ka arritur vlerën 276,3 milionë euro, me rënie prej 12,4% në nivel tremujor.
Nga 1 janari deri më 31 mars të këtij viti janë regjistruar gjithsej 7.757 transaksione (shitje dhe qira), që paraqet rënie prej 16,4% krahasuar me tremujorin e katërt të vitit 2025, duke treguar aktivitet më të ulët të tregut. Janë regjistruar 4.311 shitje, 741 shitje nga investitorët dhe 110 blerje nga shteti, si dhe 12 shitje me ankand, gjithsej 5.174 transaksione blerjeje – rënie prej 16,9%.
Janë regjistruar edhe 2.583 qira në gjithë territorin e vendit, me rënie prej 15,4% krahasuar me tremujorin e kaluar.
Në këtë periudhë janë tregtuar pasuri me sipërfaqe totale 7.492.099 m², me vlerë 16.924.858.555 denarë. Ndërsa me qira janë dhënë 2.728.415 m² me qira mujore totale 70.064.654 denarë. Vlera totale financiare e tregut të pasurive të paluajtshme për tremujorin e parë të vitit 2026 është 276,3 milionë euro, që është ulje prej 12,4%.
Muaji me më shumë shitje ka qenë shkurti me 1.527 transaksione, ndërsa më shumë qira janë regjistruar në mars (930). Shitjet nga investitorët më të shumta janë regjistruar në mars – 297.
Në tremujorin e katërt të vitit 2025 janë realizuar 5.084 shitje, ndërsa në tremujorin e parë të 2026 numri ka rënë në 4.311, që është ulje prej 15,2%. Shitjet nga investitorët janë ulur ndjeshëm nga 1.094 në 741 (-32,3%). Nuk ka ndryshim në shitjet me ankand (12 në të dy periudhat). Blerjet nga shteti janë rritur nga 40 në 110 transaksione (+175%), që është rritja më e madhe pozitive.
Në segmentin e qirave është shënuar rënie nga 3.053 në 2.583, ose -15,4%.
Analiza rajonale tregon se më shumë transaksione janë regjistruar në komunën Qendër (529), por me rënie prej 35% krahasuar me tremujorin e katërt të 2025. Në Aerodrom 463 transaksione (-28%), në Karposh 365 (-23%), në Kisella Vodë 331 (-9,6%), ndërsa në Manastir dhe Shtip janë regjistruar nga 330 transaksione.
Komunat me më pak transaksione janë: Vevçani (1), Haraçina (4), Qendër Zhupa (5), Novaci dhe Pllasnica (6 secila), si dhe Zërnovci (8).
