Orhan Ibrahimi
Prej një studioje televizive në tjetrën, të njëjtat fytyra, pa asnjë rrudhë në ballë, me lëkurë pa gjak, flokë të lyera me levante, disa me mjekra të pispillosura, e disa tjerë me syze sepse sytë u janë plakur nga “leximi”.
Pamjet e tyre mund të jenë të lloj-llojshme, por ajo që nxjerrin nga goja, mentaliteti dhe e kaluara e pemës familjare burojnë nga ato çerdhe që së paku dy shekuj i kanë shërbyer interesave sllave.
Këta janë “politikanë”, “liderë partie”, “analistë”, “juristë”, “gazetarë”.., të cilët, duke shitur interesat kombëtare, duke e shtrembëruar të vërtetën dhe duke futur duart në xhepat ashtu të zbrazura të shqiptarëve për mbi dy dekada, përfunduan me nga 1 milion e deri në gjysmë miliardi dollarë pasuri të tundshme dhe të patundshme.
Pse more, kaq keq e rëndë e nënçmoni dhe e ofendoni intelektin e shqiptarit?
Edhe vetë epiteti “pseudo” nuk ndihet mirë, edhe atij ia lëndoni krenarinë!
Për çdo muaj gjejnë tema, i ngrenë si “kauza” dhe më pas i lënë rrugëve, kurrë të zgjidhura.
Kurse muajt e fundit këta bastardë krrokasin në kor: “gjuha shqipe, gjuha shqipe”; ka qenë zyrtare, por tani e shitën; jo, po në Kushtetutë shqipja është zyrtare; a jo, jo, shqipja nuk përmendet aty, aludohet te 20%-shi i famshëm; ama s’ka dert, me ligj e kemi rregulluar; e përnjëmend, edhe po të jetë ligji në rregull, ky “debili” i Gjykatës Kushtetuese do ta shfuqizojë!
Aq e lehtë dhe aq e thjeshtë për t’ua shpjeguar shqiptarëve se si një gjuhë i merr atributet e gjuhës shtetërore është të merret si shembull neni 5 i Kushtetutës së Republikës së Kosovës:
1.Gjuhë zyrtare në Republikën e Kosovës janë gjuha shqipe dhe gjuha serbe.
…
Mos harroni se ju njohim, mund të gënjeni e mashtroni, të vidhni e manipuloni, të na poshtëroni e tradhtoni, por jo pafundësisht.
Si të gjithë kombet evropiane që ia kanë dalë të jenë zot të vetes së tyre, gradualisht edhe për ne shqiptarët po vjen dita..
