Gazetari Marin Mema ka reaguar lidhur me debatin për të drejtat gjuhësore të studentëve shqiptarë në Maqedonia e Veriut, duke kërkuar që provimet në universitete të mund të jepen në gjuhën shqipe.
Në një deklaratë publike, Mema theksoi se kjo e drejtë nuk duhet të kufizohet vetëm në fusha të caktuara si jurisprudenca, por të vlejë për çdo provim.
“Studentët shqiptarë në Maqedoninë e Veriut duhet të kenë të drejtë t’i japin provimet në gjuhën shqipe! Jo vetëm provimet në jurisprudencë (debati aktual), por çdo provim duhet të jetë në shqip!”, u shpreh ai.
Ai shtoi se çdo pengesë ndaj kësaj të drejte përbën cenim të të drejtave themelore të shqiptarëve në vend.
“Kush e pengon diçka të tillë, po pengon të drejtat e natyrshme të një populli në tokën e tij!”, deklaroi Mema.
Në reagimin e tij, gazetari bëri thirrje edhe për angazhim institucional nga Shqipëria.
“Shteti shqiptar të reagojë e të mbajë qëndrim!”, përfundoi ai.
