Ndërsa Presidenti Donald Trump intensifikoi kritikën ndaj vendeve të NATO-s për refuzimin e tyre për të bërë më shumë në luftën ndaj Iranit të martën, aleatët evropianë po forcojnë qëndrimin e tyre.
Këtë të martë, Franca nuk e lejoi Izraelin të përdorte hapësirën e saj ajrore për të transportuar armë amerikane që do të përdoreshin në luftën kundër Iranit, i thanë Reuters të martën një diplomat perëndimor dhe dy burime të njohura me çështjen.
Në vijim të këtij refuzimi, Trump ka reaguar në Truth Social duke thënë:
“Vendi i Francës nuk do të lejoj që aeroplanët e ngarkuar me furnizime ushtarake që shkonin drejt Izraelit të fluturonin mbi territorin francez. Franca ka qenë SHUMË E PANDIMSHME në lidhje me “Kasapin e Iranit”, i cili është eliminuar me sukses! SHBA-të do ta MBAJNË MEND!!! Presidenti DJT”
Burimet thanë se refuzimi, i cili ndodhi gjatë fundjavës, ishte hera e parë që Franca e kishte bërë një gjë të tillë që nga fillimi i konfliktit me Iranin.
Ndërkohë, edhe Italia, gjatë ditëve të fundit, i ka mohuar avionëve luftarakë amerikanë të ulen në bazën Sigonella në lindje të Siçilisë, pasi u vendos se planet e tyre të fluturimit ishin të lidhura me përpjekjet për luftë, sipas një zyrtari të lartë italian.
