Katër ditë kanë kaluar që nga momenti kur Gjykata Kushtetuese i vuri orën në lëvizje Kuvendit, 34 ditë për të zgjedhur presidentin apo presidenten.Kurti, të paktën jo publikisht, nuk ka hedhur ende hapin drejtë një tavoline me liderët opozitarë, një proces që vet e kishte quajtur urgjent.
Njohësit e zhvillimeve politike këtë nuk e quajnë rastësi, por veç një strategji të tij.“Nëse Kurti insiston në rifilimin e disa negociatave për një president, dhe nëse në ato negociata nuk do të ketë kritere, por do të insistojë në emrate tij të përveçëm, atëherë rezultati do të jetë i njëjtë dhe prapë do të shkojmë në zgjedhje të jashtëzakonshme”, ak deklaruar Argjend Zejnaj – njohës i çështjeve politike.
Më 13 mars, opozita kishte lënë derën hapur për takim, por vetëm pas vendimit të Kushtetueses.Tani që vendimi ekziston, kjo sipas Zejnajt mund të ndryshojë në qoftë se Kurti vazhdon të kërkojë presidentin për vete.
“Zotëri Kurti nuk pandeh se do të lejojë që të mos e ketë një president marionetë e tij, për të realizuar idetë e tij, që na dërgojnë drejtë një sistemi autoritar, për të pasur polivcie e prokurinë të tij, vetëm kështu mund të funksionojë Kurti…”, ka theksuar ai.Televizioni Dukagjini ka tentuar që të marrë përgjigje zyrtare nga anëtarët e partive politike opozitare në vend, mirëpo nuk ka pranuar konfirmim sa i përket pranimit të ftesës apo jo.
As nga zyra e Kryeministrit Albin Kurti, nuk kanë kthyer përgjigje sa i përket kësaj çështje./dukagjini/
