Ekzistojnë disa deklarata kontradiktore të zyrtarëve të huaj për kohëzgjatjen e luftës kundër Iranit, që filloi pas sulmeve të përbashkëta të SHBA-ve dhe Izraelit më 28 shkurt 2026.
Presidenti amerikan Donald Trump fillimisht tha se operacioni mund të zgjasë 4-5 javë dhe se nuk do të jetë shumë i vështirë.
Ministri amerikan i Mbrojtjes, Pete Hegseth sugjeroi se operacioni mund të zgjasë 2 deri në 8 javë, duke theksuar se nuk do të jetë një luftë e pafundme si ajo në Irak.
Nga ana tjetër, Shefi i shtabit amerikan, Dan Caine paralajmëroi se objektivat ushtarake do të kërkojnë kohë për t’u arritur dhe se lufta nuk do të mbarojë menjëherë.
Trump ka dhënë mesazhe të ndryshme gjatë ditëve të fundit, në disa raste ka thënë se lufta është pothuajse e përfunduar dhe se SHBA është “shumë përpara planit” e në raste të tjera ka theksuar se operacioni do të vazhdojë “për aq kohë sa të jetë e nevojshme”.
Presidenti gjithashtu kërkoi dorëzim pa kushte nga Irani dhe tha se lufta do të përfundojë vetëm kur vendi të mos përbëjë më kërcënim.
Pse është e paqartë fundi i luftës
Objektivat e luftës nuk janë plotësisht të qarta. Irani nuk ka treguar shenja dorëzimi dhe vazhdon sulmet me raketa dhe dronë.
Konflikti po ndikon edhe në ekonominë globale, veçanërisht në çmimet e naftës dhe trafikun në Ngushticën e Hormuzit.
Askush nuk e di saktësisht kur do të përfundojë lufta. Edhe pse disa zyrtarë amerikanë flasin për periudha të caktuara, deklaratat kontradiktore dhe situata në terren tregojnë se konflikti mund të zgjasë më shumë se sa parashikohet.
© SYRI.net
