Përfaqësuesi i Iranit në Organizatën Ndërkombëtare Detare (IMO) deklaroi se anijet e huaja mund të vazhdojnë të kalojnë nëpër Ngushticën e Hormuzit, për sa kohë kjo bëhet në koordinim me qeverinë iraniane për arsye sigurie.
Ali Mousavi, i cili është gjithashtu i dërguar i Iranit në Mbretërinë e Bashkuar, tha për agjencinë e lajmeve Mehr se detyrimet ndërkombëtare duhet të shoqërohen me respekt ndaj “integritetit territorial dhe të drejtave të Iranit”.
Ai shtoi se Irani është i gatshëm të bashkëpunojë me IMO-n dhe me vendet e tjera për të përmirësuar sigurinë detare dhe për të mbrojtur marinarët.
Ngushtica e Hormuzit është e mbyllur vetëm për “armiqtë” e Iranit, theksoi Mousavi, duke shtuar se lufta e SHBA-së dhe Izraelit është “rrënja e situatës aktuale” në Gjirin Persik dhe në Ngushticën e Hormuzit.
© SYRI.net
