Presidenti amerikan Donald Trump i tha CNN në një intervistë telefonike nëntëminutëshe se ushtria amerikane po “i godet fort” iranianët – por se “vala e madhe” ende nuk ka ardhur.
“Po i godasim fort”, i tha Trump Jake Tapperit të CNN. “Mendoj se po shkon shumë mirë. Është shumë e fuqishme. Ne kemi ushtrinë më të madhe në botë dhe po e përdorim atë”.
Trump trajtoi një sërë temash në intervistë, përfshirë kohëzgjatjen e pritshme të konfliktit, befasinë e tij nga kundërpërgjigjja e gjerë e Iranit dhe planin e pritshëm të pasardhjes në vend.
I pyetur nëse SHBA po bën më shumë përtej sulmit ushtarak për ta ndihmuar popullin iranian që ta rimarrë kontrollin e vendit të tyre nga regjimi, Trump tha: “Po”.
“Vërtet po. Por tani për tani duam që të gjithë të qëndrojnë brenda. Nuk është sigurt jashtë”.
Dhe së shpejti do të bëhet edhe më pak e sigurt, tha presidenti.
“Ne ende nuk kemi filluar t’i godasim fort. Vala e madhe ende nuk ka ndodhur. E madhja po vjen së shpejti”.
