Faqja shqiptare “Albanian Vintage Photography” ka publikuar një fotografi të rrallë të gjyshes së Dua Lipës, Ajshe Lipa, nga dita e martesës së saj. Imazhi i përket viteve 1960 dhe sjell një moment familjar të ruajtur ndër vite.
Në përshkrimin që shoqëron foton thuhet: “E ndjera znj. Ajshe Lipa, nëna e Dukagjin Lipës dhe gjyshja e këngëtares sonë me famë botërore Dua Lipa, e fotografuar në ditën e dasmës së saj në vitet 1960, e veshur bukur me veshje tradicionale.”
Fotografia paraqet Ajshe Lipën të veshur me kostum tradicional, duke reflektuar stilin dhe frymën e kohës, shkruan “Kosovarja”.
Publikimi i këtij imazhi sjell në vëmendje një pjesë të historisë familjare të artistes shqiptare me famë ndërkombëtare./Kosovarja/
