Procesi i rinumërimit të votave nga Komisioni Qendror i Zgjedhjeve (KQZ) ka nxjerrë në pah parregullsi serioze në disa komuna, duke ndryshuar ndjeshëm rezultatet fillestare të zgjedhjeve.
Sipas raportit zyrtar, deri ditën e sotme (19 janar) pas orës 10:00 dhjetëra kandidatë nga partitë kryesore kanë humbur qindra e madje mijëra vota pas verifikimit të kutive.
Në vazhdim ju paraqesim tabelën që përfshin të gjitha komunat, me emrat e kandidatëve për deputetë që u janë minusuar votat paraprake për shkak të keqpërdorimit.
Kandidatë nga Lëvizja Vetëvendosje (VV):
Arbër Rexhaj – 11,070 vota, -624 vota
Mytaher Haskuka – 9,703 vota, -279 vota
Valon Ramadani – 2,813 vota, -432 vota
Filiz Mustafa – 5,276 vota, -205 vota
Dafina Alishani – 8,015 vota, -280 vota
Arsim Berisha – 5,042 vota (pa ndryshim të saktësuar)
Kandidatë nga Partia Demokratike e Kosovës (PDK):
Enver Hoxhaj – 7,670 vota, -1,007 vota
Kujtim Gashi – 11,543 vota, -2,355 vota
Xhavit Haliti – 4,356 vota, -729 vota
Fadil Demaku – 2,839 vota, -1,102 vota
Luljeta Veselaj Gutaj – 5,644 vota, -2,103 vota
Nait Hasani – 9,694 vota, -3,414 vota
Arianit Çollaku – 3,322 vota, -1,684 vota
Kandidatë nga Lidhja Demokratike e Kosovës (LDK):
Anton Quni – 5,442 vota, -537 vota
Visar Azemi – 927 vota, -416 vota
Driton Selmanaj – 3,436 vota, -1,048 vota
Xhavit Uka – 4,117 vota, -1,596 vota
Këto të dhëna tregojnë për një shkallë shqetësuese të ndërhyrjeve në procesin zgjedhor, duke ngritur dyshime serioze mbi integritetin e numërimit fillestar. KQZ ka bërë të ditur se po vazhdon verifikimet dhe se çdo rast i manipulimit do të trajtohet me përgjegjësi ligjore.
Këto zhvillime po konsiderohen si akte që rrezikojnë besimin qytetar në procesin demokratik dhe kërkojnë reforma të menjëhershme për rritjen e transparencës dhe sigurisë së votës.
Qyteti kampion për keqpërdorim të votave po del të jetë ai i Prizrenit, ku në bazë të të dhënave të KQZ-së atje janë bërë vjedhje që kalojnë shifrat edhe mbi 1000 vota.
Kështu, rinumërimi i votave në komunën e Prizrenit ka zbuluar parregullsi serioze në disa qendra votimi, duke ndikuar drejtpërdrejt në rezultatet e kandidatëve të tri partive kryesore: VV, PDK dhe LDK.
Kandidatët e VV në Prizren:
Artan Abrashi – 11,264 vota, -252 vota
Arbër Rexhaj – 9,452 vota, -631 vota
Mytaher Haskuka – 8,838 vota, -271 vota
Valon Ramadani – 604 vota, -422 vota
Arsim Berisha – 3,875 vota, -292 vota
Dafina Alishani – 7,086 vota, -459 vota
Kandidatët e PDK-së në Prizren:
Enver Hoxhaj – 3,398 vota, -980 vota
Kujtim Gashi – 9,053 vota, -2,359 vota
Xhavit Haliti – 1,494 vota
Fadil Demaku – 536 vota, -1,104 vota
Luljeta Veselaj Gutaj – 5,108 vota, -2,103 vota
Nait Hasani – 6,804 vota, -3,419 vota
Arianit Çollaku – 2,826 vota, -1,690 vota
Fetah Paçarizi – 3,857 vota, -6,022 vota
Kandidatët e LDK-së në Prizren:
Anton Quni – 2,895 vota, -514 vota
Visar Azemi – 185 vota, -415 vota
Driton Selmanaj – 2,438 vota, -1,057 vota
Xhavit Uka – 2,346 vota, -1,597 vota
Këto humbje masive votash pas rinumërimit dëshmojnë për një shkallë shqetësuese të parregullsive në procesin zgjedhor në Prizren.
Autoritetet kanë njoftuar se rastet janë referuar për hetim dhe se priten masa ligjore ndaj përgjegjësve.
Nga ana tjetër, Komisioni Qendror i Zgjedhjeve me fillim nga ora 13:30 do të mbajë një mbledhje, ku pritet të shqyrtohet edhe mundësia e rinumërimit të tërësishëm të votave.
