Presidenti i Ukrainës, Volodymyr Zelensky, ka dhënë vlerësim pozitiv për një bisedë që pati me të dërguarit e SHBA-së, Steve Witkoff, mbi mënyrën e përfundimit të luftës Rusi-Ukrainë, raportoi të enjten BBC-ja.
Zelensky ka thënë se telefonata me Witkoffin dhe Jared Kushnerin, e cila zgjati gati një orë, u zhvillua mbi ide të reja në aspektin e formateve, takimeve dhe kohës se si të arrihet paqja e vërtetë.
Ai foli një ditë pasi dha detaje mbi planin e përditësuar të paqes prej 20 pikash, të dakorduar nga të dërguarit e SHBA-së dhe Ukrainës në Florida.
Zelensky pranoi se ende ka punë për t’u bërë në çështje të ndjeshme.
