Pronari i “Durmo Tours” do të kërkoj përsëri, shtyerjen e shkruajes në “Idrizovë” Gjykata do të kërkojë një deklaratë shtesë nga mjeku që operoi Belulin, ndërsa i pandehuri i dytë në këtë rast është ende në liri
Durmis Beluli, pronari i kompanisë së transportit të Gostivarit “Durmo Tours”, i dënuar me dhjetë vjet burg për tragjedinë e autobusit pranë Laskarcit, në të cilën vdiqën 16 persona, ka kërkuar përsëri shtyrje të vuajtjes së dënimit të tij në Qendrën Korrektuese “Idrizovo”, duke përmendur arsye shëndetësore.
Kërkesa iu dorëzua Gjykatës Themelore në Gostivar së bashku me një raport mjekësor nga një mjek specialist, i cili thotë se pas një procedure kirurgjikale të kryer më 1 dhjetor, Beluli ka nevojë për pushim post-operativ, të paktën 20 deri në 30 ditë.
Gjykatësi Qirko Mihajloski, i tha Televizionit “Telma” se gjykata do të kërkojë gjithashtu mendim dhe deklaratë nga mjeku që kreu operacionin në spitalin e Tetovës, pas së cilës do të marrë një vendim para se të skadojë afati. Sipas vendimit të gjykatës, Beluli duhej të paraqitej në burgun e Idrizovës deri në orën 15:00 të sotëm për të vuajtur dënimin e tij.
Paralelisht, i pandehuri i dytë në këtë rast, Remzi Miftari, kreu i “Durmo Tours”, është ende në arrati. Ai nuk u paraqit në burg për të vuajtur dënimin, me 10 vjet burg, prandaj është lëshuar një urdhër arresti.
Miftari gjithashtu kërkoi më pare, shtyrje të vuajtjes së dënimit, duke përmendur gjithashtu ndërhyrje kirurgjike, por nuk u paraqit në burg, pas skadimit të afatit, pas së cilës institucionet e shpallën atë të paarritshëm.
Rasti i tragjedisë Laskarcë, vazhdon të shkaktojë reagime, veçanërisht për shkak të vonesave të përsëritura dhe shmangies së vuajtjes së dënimeve, të shqiptuara me ligj.
