Kryetari i Komunës së Sarajit, Muhamet Elmazi, së bashku me deputeten e zonës Feride Haxhiu, sot kanë inspektuar nga afër punimet që po zhvillohen në fshatin Rashçe, ku është duke u rregulluar sistemi i ujërave atmosferik dhe po kryhet nivelizimi i rrugës kryesore.
Sipas kryetarit Elmazi, rruga paraqiste prej kohësh një problem serioz për qarkullimin e banorëve të zonës, veçanërisht gjatë reshjeve, prandaj ndërhyrja ishte e domosdoshme.
“Punimet po zhvillohen sipas dinamikës së paraparë dhe së shpejti banorët e kësaj pjese do të qarkullojnë pa asnjë pengesë”, theksoi Elmazi gjatë inspektimit.
Kjo ndërhyrje është pjesë e projekteve infrastrukturore që Komuna e Sarajit ka nisur në disa vendbanime, me qëllim përmirësimin e kushteve të jetesës dhe sigurinë e qarkullimit për qytetarët.
