Në Shkup është mbajtur koncerti gala i 28 Nëtorit, ku performuan artistët e dëshmuar ndërkombëtarisht si Inva Mula, Dëshira Ahmeti dhe Ismet Veseli.
Koncerti, u organizua nën patronatin e Komunës së Çairit, me çrast kryetari i saj, Izet Mexhiti u shpreh:
“Ky koncert i dha Shkupit një natë të rrallë, një festim kulturor që bashkoi qytetarët, solli nderim për sakrificat e kombit dhe e ngriti artin shqiptar në një nivel tjetër. Atmosfera ishte e jashtëzakonshme, kishte emocion, respekt dhe një publik që e përjetoi çdo sekondë si një dhuratë të veçantë të 28 Nëntorit.
Sonte, zëri operistik shqiptar i dha Shkupit një shkëlqim të veçantë dhe e ktheu këtë natë në një moment festiv që do të kujtohet me krenari.
Sonte ishte një mbrëmje për artin. Për shqiptarët. Për flamurin. Për kombin”.
